Película La defensa, por la libertad de Pilar Pérez Solano
Trailer
Sobre la película
Espainiako abokatutzaren historia jasotzen duen dokumentala, 1960ko hamarkadaren erdialdetik 1978a arte. Irudi eman gabeak ditu, eta abokatu emakume eta gizon ospetsuen testigantzak. Beren lanbidea duintasunez egiteagatik espetxeratu zituzten, hil egin zituzten, Atocha 55en gertatu zen moduan, gizatasunaren eta ausardiaren eredua izan ziren, eta ideologiak alde batera utzi eta askatasunen eta eskubideen arau bat egiteko gai izan ziren.
Interviene
Pilar Pérez Solano, dokumentalaren zuzendaria, eta Mikel Berraondo López. Berraondo aditua da giza eskubideetan, enpresa eta giza eskubideetan, eta herri indigenen eskubideetan. 16 urtetik gora eman ditu nazioarteko hainbat agentzia eta GKErekin lanean, herri indigenen eskubideak babesten. Giza eskubideak babesteko nazioarteko zenbait mekanismotan auzitan ibili da, Panamaren, Argentinaren, Paraguairen eta Kolonbiaren aurka. IPES Fundazioko patronatuko kidea da. Egun, Zabala Innovation Consulting enpresan Berrikuntza Sozialaren saileko zuzendaria da. .
[Eskubide zibilak eta politikoak]
Biografía de la directora
Pilar Pérez Solano (Alacant, 1967) zinemako gidoilaria, zuzendaria eta ekoizlea, hogeita bost urtetik gorako eskarmentua duena.
1993an, Canal+ katean hasi zen eta bertan ekoizpeneko zuzendaria izan da hainbat lanetan, besteak beste: Lisboa, Faca no Coraçao, New Yorkeko Jaialdian saritua; Poeta en nueva York, Emmy sarietarako izendatua; eta Auster y Wang, New Yorkeko Jaialdian saritua. 2003tik aurrera, zuzendari- eta errealizadore-ibilbideari ere heldu zion. 2007an, “TRANSIT Producciones S.L.” ekoiztetxea sortu zuen. Zuzendari- eta ekoizle-lanean egin dituen azken lanak hauek izan dira: Muralesdokumentala, lehiaketarako hautatua SEMINCIn, "Tiempo de Historia” atalean, eta New Yorken estreinatua; duela gutxi, Las maestras de la República, 2014an film dokumental onenaren Goya saria eskuratu zuena; eta "La Defensa, por la Libertad", 2019an.
Halaber, Zinema Akademiako kidea da, Valentziako Ikus-entzunezkoen Akademiakoa, CIMA elkarteko Zuzendaritza Batzordekoa eta “Mujeres en Dirección” Cuencako Zinemaldiko kolaboratzailea.