Película Born in Gambia Natxo Leuza Fernández
Trailerra
Sobre la película
Gambian, haur asko indarkeria-mota askotara zigortuta daude, han jaiotze hutsarengatik.
Hassan 14 urteko mutikoa da, kalean bizi dena. Aztikeriaz salatu zuten anaia, eta bizirik erre zuten bere aurrean. Hassanek ere deabrua barnean zuen susmoa zeukan aitaordeak, eta, beraz, mutikoak ihes egin behar izan zuen, ez hiltzeko. Etxetik soinu-grabagailu bat baino ez zuen eraman. Grabazio horien bidez, Hassanen bizimodua eta beste haur batzuena ezagutuko dugu, amaitzen oso zaila den bereizkeria baten biktima diren haurrena, halakoa baita beren herrialdeko pentsamoldea, tradizioak eta ohiturak aldatzen saiatzea.
Born in Gambia gogoeta-bide bat da, pertsonek ez ahazteko eta ez baztertzeko haur horiek eta estatuek, batetik, konpromisoak hartzeko, haurren eskubideak errealitate egiteko, eta, bestetik, une eta toki orotan haurren aurkako indarkeria eta jardunbide kaltegarri oro prebenitu eta desagerrarazteko.
Sariak
42 sail ofizialetan parte hartu du, nazioko eta nazioarteko 17 lehiaketatan saritu dute, eta 2020ko Goya sarietarako hautagaia da Film Labur Dokumental Onenaren atalean.
Zuzendaria
Natxo Leuza Fernández errealizadore, gidoilari, muntatzaile eta zinemako ekoizpen ondoko lanetan aritzen da. Ibilbide luzea du dokumentalen arloan, eta munduko hainbat herrialdetako proiektu ugaritan egin du lan: Sierra Leona, Benin, Togo, Mauritania, Gambia, Peru, Guatemala, El Salvador, Qatar, Haiti, Alemania.